Det on dat op Santes Platt
Mundart in und um Xanten

 
Home
Marij on Jann
In on öm Sante
Max on Moritz
Struwwelpitt
Jann Huckebeen
Plisch on Plum
Schwatte Hann
För Jubilare
Noch wat

 
För Wardtse Jubilare
Fifftig Joar
Achtig Joar
Neegentig Joar
Goldhochtid

 
Neegentig Joar

Now hört es tu! - Ek froag ow dat:
"Wen es et älst bej ons in Wardt?"
'Hedrina Rösen' - man sich wondert,
die es noch üt et vörge Joarhondert!

Sej wörd vandaag now neegentig Joar!
Domols ass sej geboare woar,
noch "Achtienhondert" moss man schriewe!
Wor dej den langen Tid bloß bliewe?

"Zu Kaisers Zeiten" vör völl Joare,
es sej in Labbeck du geboare.
Hoch op den Bärg stoan't Äldershüss,
dor was sej in öhr Kindheit tüss.

De groote Waalt lagg ganz kort bej;
in desse Waalt dor spöll'ne sej.
On ging man op die Villa an,
lagg lenks die Boxler-Iserbahn.

Merr kennen Zug fuhr du nor Wardt,
dröm koam den Johann met et Rad.
On 'Rösen' was öhr fast vertraut:
Sej hit'ne 'Röös', bes sej getraut.

On Johann Rösen sagg in Wardt,
dat Röös noch mehr sön Mäches hat.
On kort dorop den Schmetze Wemm
fuhr sonndags ok nor Labbeck hen.

Hej woll es sien, wat Lena miek,
denn die hat hej now inne Kiek.
Dörr Wäär on Weend, bej Kält met Wante
op Labbeck an die twee Trabante!

En Paar Joar ginge so vörbej,
on ömmer noch des Frejerej!
In Wardt schlugg dann die Hochzeitsglock,
on Dina an dat Bruckend trock.

Dat sej geärbeit, weete wej:
Innen Hoff on inne Burderej.
Säss Blaage gow et bald in't Hüss;
die trock sej groot ohn' völl Gedrüss.

Fiff Jonges on een Dern dorbej;
oppe Bank sej satte nor de Rej.
Dat was nit einfach! Gottverdoome!
Et gow jo ok noch den 'Jann-Ohme'!

On dann in öhren ersten Tid,
dor gow et ok noch 'Röse Pitt'.
On 'Onne-Oofe' nit vergäte!
Die wolle alle meddags äte!

Wen vandaag sett: "Wat hemm ek Brass!",
den wett nit, wie et frugger was!
Man koss noch nit 'elektrisch' koke,
för de Wäss moss man den Brösspott stoke.

Ne Kühlschrank? - Wat soll dat wäll sin?
Dat Grei koam in den Kälder rin.
Oat man den Budding nit bald op,
dann sat dor mäj den Schümmel drop.

En Badezimmer gow et nit;
gebäjt wird in die zenke Bütt.
En Heizung? - Wen koss dat sich leiste?
Die Kaamers wass kaalt - die meiste!

On Freizeit? - Jo wat soll dann dat?
Man hat doch Ärbeit mehr ass satt!
An 'Teneriffa' nit te denke!
So deck hat man du nit die Schenke!

On dennoch glöw ek ganz gewess,
dat man ok so tefreeje es.
Dat man ok glöcklich so sin kann,
führ ek hier 'Oma Dina' an.

Öhr Läwe was ken Zuckerläcke,
völl Sörg on Müh' an alle Ecke.
En Läwe lang gesörgt, geplaagt!
Wen het gehört, dat sej geklaagt?

Ons, die vandaag doch ganz gut läwe,
ons kann man hier en Vorbild gäwe!
Denn för en Klitzekleinigkeit
bej ons wörd döck all laut geschreit.

Drömm - Tante Dina! - glöwt et min:
Van all, die vandaag hier now sin,
hat niemand noch verdinnt ow Ehr',
on es hej noch sönnen grooten Heer!

Wej welle ons vör ow verneige,
dormet wej dün Respekt ow zeige.
Vandaag wej könne hier beläwe,
wat letztlich telle düt in't Läwe.

On soll vörbej ow Läwe sin,
dann schnurstracks in den Hemmel rin!
Ek sin gewess, op ow wacht schon
innen Hemmel dor den höchsten Thron!

 
nach oben